Ugrás a tartalomhoz Lépj a menübe
 


Am,le roma

2008.08.26

And’ adi luma muro phrala ame sam e roma,
Athe zhuvas dulmut aba ande pacha numa,
Nai ame barvalyipo, bithemesko sam,
Andar India avjam, de kajgodi othe sam.

And’ adi luma e roma…

And’ adi luma muro phrala ame sam e roma,
Athe zhuvas dulmut aba ande pacha numa,
Nai ame barvalyipo, bithemesko sam,
Andar India avjam, de kajgodi othe sam.

Zhanen aba le roma, bares zhanas te kamas,
Zhanen aba le gazhen, bares zhanas te voja keras,
Patyivaras ame, taj patyivaras sakones,
De jive o patyi, kana khonyik na patyil ame.

Ande ame o briga taj amari dyi rovel,
Vi o phuv, vi o cheri pala’ amen rovel,
Na patya khanyikaske, ke e luma xoxavel,
Lisavela e luma, kana’ amari vrema avel.

Phen, ke kon san tume, ame kamen te maren?!
Na mardyam ame khanyikas, t’ aven tume baxtalen,
Ande grizha rovas, o cheri sharusavel,
Kanak ame asas, vi o kham opre avel.

Le cherhaja numa amenca khelen,
Kanak ame loshavas, na zhanen khanchi te keren,
Kamas ame le gazhen, taj sako nipura,
Trajinas kethane phrala and’ adi luma.

Nai ame pacha phrala, e luma perdal phiras,
Opre ljam amaro trushul, amaro trajo adi avjas,
Andar amare kale jakha grizha pekel tume,
De tume zhantar pasha’ la, adi na dikhen tume.

Kade keren amenca, sar le nasule manushenca,
Nashtig keras pala, kaj romenge rakhadyilam,
Te shaj kernas la, e rikono kernas andar ame,
De jive amaro Del, manushe kerdas andar ame.

Lolo’ j amaro jilo, kale’ j amare jakha,
De khanyikas na mardyam, mukhen ame pacha,
Karing so ame phiras, na len amen andre,
Patyas ame o Drago Del, te len andre amen!

Te del o Del jekhfar le gazhen te hatyaren ame,
E lyag so’ j ande ame, vi von te hatyaren,
Atunchi n’ avlas grizha, briga, khanchi nasuyipo,
Numa lashipo, mishtyipo, baro kamipo.

Pe adi mangav o Devles, tehara taj ratyi,
Adi talusavel, khetane shukares te trajin,
Te nachisavel adi but - but briga,
Shun amari grizha, zhutil amen Devla!